Novas
Estamos moi contentas! Durante o mes de maio recibimos numerosas visitas e queremos agradecelo públicamente.
Venres, sábado e domingo celebrouse a Primavera de Portas Abertas, coincidindo tamén co Día das Letras Galegas e o Día dos Museos.
O sábado 18, Día Internacional dos Museos, alcanzamos o récord de visitantes nun só día con 200 persoas! Como xa é habitual, recibimos dous grupos organizados por Viaxes Santi procedentes de Tomiño, todos eles ben xeitosos, cos que quedamos contentísimas e aínda botamos unhas parrafadas. Ademais, tamén contamos coa visita do ViñoBus, unha xenial iniciativa para promover o enoturismo. Como cada sábado, recibimos un grupo da axencia de viaxes Offitravel, que dende fai xa varios meses contan connosco para as súas rutas organizadas.
Hoxe é o Día Internacional dos Museos! Hoxe é o noso día!
Este ano o lema que propón o ICOM é “Museos por la educación y la investigación”, pois como ben sinalan temos un papel fundamental á hora de proporcionar unha experiencia educativa holística fomentando a curiosidade, creatividade e pensamento crítico dos máis pequenos. Para elo, propoñen como obxectivo garantizar unha educación de calidade inclusiva, equiparativa e promover oportunidades de aprendizaxe permanente para todos e todas.
Durante a celebración da 61º edición da Feira do Viño do Ribeiro voltou o "RibeiroBus", un emblemático autobús turístico datado do 1954.
Os roteiros serviron como unha gran oportunidade para os turistas de percorrer as paraxes do Ribeiro, gozar das imaxes entregadas polo val do Avia e polos espectaculares viñedos, e visitar o Museo do Viño de Galicia xunto con pazos e aldeas que dende sempre vencellaron o seu pasado co viño.
Un ano máis o “RibeiroBus” rexistrou un éxito absoluto nas catro quendas de viaxes realizadas ao longo de toda a fin de semana.
O Museo do Viño expuxo, dende o 2 ata o 10 de maio, algúns dos materiais publicitarios da I Edición da Feira-Exposición de exaltación do viño do Ribeiro. Fotografías a cor, bandeirolas e un cartel orixinal foron os protagonistas. O interese radica, a pesar da distancia no tempo, na proximidade cultural entre a primeira e a última edición, tal e como exemplifica o redeseño do cartel orixinal do 1964 para a 60ª celebración da Feira
O Museo do Viño de Galicia albergou durante dúas fins de semana unhas xornadas sobre o futuro da viticultura galega.
A primeira conferencia da man de Clodio González; seguido de Fernando Seara, Director do Museo do Douro. Posteriormente Xosé Ángel Armas Castro, Profesor Titular da didática das Ciencias da USC e por último, Juan José Otero de MOL arquitectura.
Na tarde de onte visitaron o Museo do Viño de Galicia un grupo de influencers que están a promocionar a primavera de portas abertas de O Ribeiro que se celebrará do 17 ao 19 de maio.
Non perdades a oportunidade de anotarvos para desfrutar duns días diferentes, con moitas actividades, bos viños e sobre todo, unha visita guiada no noso museo.
Foron moitas as inquedanzas froito do grande interese e aínda máis todo coñecemento compartido nun ambiente relaxado e do máis acolledor. Onte recibimos unha visita inigualable por parte dos usuarios da Asociación de Persoas Xordas procedentes da provincia de Lugo (ASORLU) e, dende o Museo do Viño de Galicia, emitimos o noso agradecemento pola oportunidade de coñecernos.
Febreiro remata coroándose como un dos mellores meses no tocante á afluencia de público e á ampla organización de visitas guiadas. A todas e cada unha das persoas visitantes adicamos un fondo agradecemento pola oportunidade de incluir ao Museo do Viño de Galicia dentro das súas rutas pola provincia de Ourense!
O Museo do Viño recibiu unha visita única: a do XXIV Rally de Reis. A Escudería de Clásicos de Ourense, da que o evento forma parte, preséntase como unha asociación cultural nada no ano 1995 e que ten como principal obxectivo conxugar unha fonda paixón polo mundo dos automóbiles clásicos e antigos. Esta asociación organiza eventualmente reunións e actividades ao longo do ano para os seus socios, quenes desta volta tiveron a oportunidade de percorrer e coñecer o Ribeiro.