Novas

A tarde do 18 de xullo recibimos a visita dun dos Trens Turísticos de Galicia, unha proposta de renfe para fomentar a oferta turística da rexión. Dentro da súa oferta, un dos itinerarios foi a "𝙍𝙪𝙩𝙖 O 𝙍𝙞𝙗𝙚𝙞𝙧𝙤 - 𝙍𝙞́𝙖𝙨 𝘽𝙖𝙞𝙭𝙖𝙨”, viaxe na que combinaron dous territorios con Denominación de Orixe, e que ten como eixo o río Miño.

Queda inaugurada a VI edición das Catas Sonoras do Museo do Viño de Galicia.
Raposa, a banda pontevedresa encargada de porlle música ao evento, transitou entre os distintos xéneros que que se mesturan na súa discografía. Do jazz ás músicas do mundo, da música clásica ao pop e pasando pola canción protesta, a súa proposta musical fascinou e animou o serán do público que se achegou á terraza do Museo do Viño.

O venres 26 de xuño o Museo do viño de Galicia acolleu a presentación do libro "O patrimonio do viño. Ruta polas adegas e camiños de Valdeorras", unha publicación de Josué Fernández Guerra que nos convida a descubrir a riqueza cultural, histórica e paisaxística dun dos territorios vitivinícolas máis singulares de Galicia.

A Asociación de Desenvolvemento Rural (ADR) Carballiño-Ribeiro entregou o pasado mércores no Museo do Viño de Galicia os premios do I Concurso de Fotografía “Patrimonio e Enogastronomía do PSTD Carballiño-Ribeiro”, unha iniciativa que naceu co obxectivo de promover e difundir os recursos culturais, naturais, etnográficos e gastronómicos deste territorio a través da creación fotográfica. O Museo do Viño de Galicia alberga dende hoxe a exposición temporal nos soportais do edificio cunha selección das mellores fotografías recibidas. A mostra reúne as obras de once autores diferentes, incluídas as tres imaxes premiadas.

O día 11 deste mes recibimos a alumnado da facultade de Turismo da Universidade de Vigo xunto con estudantes internacionais de Polonia e Portugal. No marco do BIP en Wine Tourism Management no que están a participar nestes días, achegáronse ao Museo do Viño de Galicia para coñecer a historia vitivinícola da nosa terra.

A rigoroso escote, con imaxe corporativa propia e coa ilusión cunqueiriana de planificar meticulosamente cada viaxe coa gastronomía e o enoturismo como obxectivo, esta ducia de amigos ourensáns teñen viaxado dende A Toscana ata Monterrei, de Toro ata o Bierzo, para coñecer en profundidade o viño e a cociña de cada rexión, dende moito antes que a palabra "maridaxe" estivese na diana dos influencers coma un mantra.

Lagares rupestres, primeiros rexistros do viño en practicamente todas as comarcas produtoras de Galicia, etimoloxías enolóxicas que teñen perdurado ata os nosos días... Todos estos detalles da cultura do viño en Galicia desfilan polo profundo estudio "Viño e viticultura na Galicia medieval", do profesor medievalista da Uvigo Francisco Javier Pérez Rodriguez. Onte foi primicia no Museo do Viño de Galicia, como colofón da semana de celebración do Día dos Museos e do das Letras Galegas.

O Museo do Viño de Galicia conmemora o Día das Letras Galegas e o Día Internacional dos Museos cunha actividade dobre.
Presentarase o libro Viño e viticultura na Galicia medieval (séculos IX-XIV), do historiador e profesor da UVigo Francisco Javier Pérez Rodríguez, e Juanjo Figueroa Treus guiará unha cata acompañada por música.

🗓️ Cando? Venres 22 de Maio, ás 19:00h.
📍 Onde? Museo do Viño de Galicia, Lugar de Camporredondo, s/n, Ribadavia.
🎟️ Entrada libre até cubrir capacidade!
 

Chega unha nova edición da Primavera de Portas Abertas. Durante as fins de semana dos meses de maio e xuño, e en colaboración coas Rutas do Viño das cinco Denominacións de Orixe galegas, os participantes que se sumen a esta iniciativa poderán gozar dun amplo programa de actividades enoturísticas.

Entre as experiencias estarán incluidas visitas a adegas e viñedos, catas guiadas e degustacións, rutas en barco e de sendeirismo, descontos en aloxamentos, autobuses do viño e visitas a museos.

Con motivo da anual celebración da Feira do Viño do Ribeiro, o RibeiroBus voultou a percorrer as nosas estradas e paisaxes.