Novas

Presentación da obra "A marabillosa historia do viño en Galicia"
10 de Xullo do 2022

O Museo do Viño de Galicia tamén se fai partícipe de presentacións literarias poñendo en valor o eido vitivinícola galego e dándolle voz aos seus autores. O venres 8 de xullo foi testemuña da esperada presentación da obra máis recente do xornalista Luis Congil, titulada "A marabillosa historia do viño en Galicia", e que recolle nas súas páxinas unha interesante compilación da extensa tradición dos caldos galegos, percorrendo a súa historia dentro do noso territorio pero tamén demostrando que a súa fama tamén foi e segue sendo recoñecida a nivel internacional.

Certame nacional de VinEspaña.
29 de Abril do 2022

A tarde do 28 de abril o Museo do Viño de Galicia reuniu nunha xornada especial aos enólogos da Federación Española de Enología (FEAE) co motivo da celebración do IV Concurso Nacional de Viños “VinEspaña”, unha edición do máis especial xa que por primeira vez o certame foi celebrado en Galicia durante as xornadas do 28, 29 e 30 de abril. A FEAE destaca entre os seus obxectivos a consolidación e o estímulo para a elaboración de viños notorios e de especial calidade e o fomento e a valoración vitivinícola en termos históricos e culturais.

Convívio no Museo do Viño
10 de Abril do 2022

A folla de ruta do festival de cultura e música alternativa “Arteficial” de Ribadavia, vén de botar a andar nunha xornada de convivencia, e así a deron en chamar: Convívio.

Concerto Bicoia Tradi Band
18 de Decembro do 2021

O sábado 18 de decembro o Museo do Viño de Galicia gozou dunha nova cita cultural. A banda “Bicoia Tradi Band” ofreceu un concerto de música tradicional ao son do bombo, o tambor, a pandeireta, o acordeón e a gaita. 

Para rematar o evento, serviuse un viño branco e un tinto da edición 2020 da produción da Estación de Viticultura e Enoloxía de Galicia, viño institucional que non está á venda pública e que forma parte dos estudos que se levan a cabo na misión biolóxica de Leiro.

WSET nivel 2
24 de Novembro do 2021

Os pasados días 22 e 23 de novembro, o  Museo do Viño de Galicia acolleu unha vez máis á Galicia Wine Academy, para a celebración do curso de cualificación “Wine & Spirit and Education Trust” (WSET) Nivel 2.

As persoas asistentes puideron, en dúas xornadas intensivas nas que se combinan a teoría e a cata pasar do nivel principiante a intermedio, profundizando nos coñecementos adquiridos no Nivel 1, impartido tamén nestas instalacións o pasado 6 de outubro. 

Novas na chegada do viño a Galicia
6 de Novembro do 2021

Complementando o compartido durante o foro do Centro Marcos Valcárcel no mes de outubro, durante os días 5 e 6 de novembro , o Museo do Viño de Galicia acolleu a ponencia da profesora Yolanda Peña “De viños romanos. Estrullados, fermentacións  e adegas nomundo hispanorromano”, a de Francisco Javier Pérez “A difusión e a xeneralización da viticultura na Galicia medieval” e a presentación do Museo do Viño de Galicia por parte do seu director, José César Llana Rodríguez.

WSET Nivel 1
7 de Outubro do 2021

O pasado mércores 6 de outubro o Museo do Viño de Galicia acolleu unha nova edición do curso de cualificación "Wine & Spirit and Education Trust" (WSET) en viño impartida por Jorge Vila, director da Galicia Wine Academy (galicia.wine). Esta é unha nova edición da primeira das actividades formativas especializadas que se realizan tralo parón provocado pola situación sanitaria e correspóndese co Nivel 1 dos catro que oferta a prestixiosa academia londinense, con formadores habilitados en diferentes partes do globo.

Foro La Región
1 de Outubro do 2021

O pasado 30 de setembro o Museo do Viño de Galicia, no marco dos Foros La Región, organizou o debate a catro bandas coa presentación dos últimos estudos de Rafael Ocete, ampeleógrafo da Universidade de Sevilla,  Andrés Teira, arqueólogo da Universidade de Vigo, Pepa Rey, profesora de Prehistoria da USC, e Carmen Rodríguez, investigadora científica da Misión Biolóxica do CSIC en Galicia. 

Presentación da exposición temporal "Imaxes do viño en Galicia"
2 de Setembro do 2021

O Museo do Viño de Galicia presentou na mañá do 2 de setembro a exposición “Imaxes do Viño en Galicia” sobre a evolución do etiquetado do viño, esa parte tan fundamental para recoñecer unha botella que supera en ocasións ao propio nome da adega ou da Denominación de Orixe da que procede. 

Presentación da xornada por parte de Jorge Vila (Galicia.wine), César Manuel Fernández (alcalde de Ribadavia) e César Llana (director do Museo).
26 de Novembro do 2020

Os pasados días 23 e 24 o  Museo do Viño acolleu novamente a Galicia.wine para a celebración do curso de cualificación “Wine & Spirit and Education Trust” (WSET) Nivel 2.

As persoas asistentes puideron, en dúas xornadas intensivas, pasar do nivel principiante a intermedio, profundizando nos coñecementos adquiridos no Nivel 1, impartido tamén nestas instalacións o pasado 19 de outubro. Os contidos deste segundo nivel pasan por recoñecer as principais variedades de uva do planeta a nivel rexional e os estilos de viño resultantes, o impacto de factores ambientais e tipos de viticultura nos viños, a calidade dos mesmos, os procesos de producción e as maridaxes máis adecuadas.