Novas
Durante o transcurso desta fin de semana moitos foron os visitantes que se achegaron ao Museo do Viño de Galicia dentro do seu percorrido pola Ruta do Viño de Galicia nas datas axenciadas á xornada das portas abertas.
Ademáis diso, varios autocares organizados para este fin se achegaron ao Museo para realizar unha visita guiada polas instalacións do centro.
Magnífica xornada do ciclo “In Vino Veritas (Et sanitas)” no Museo do Viño a cargo de Juanjo Figueroa, presidente da Asociación Galega de Sumilleres, quen dirixiu unha cata guiada tanto de viños galegos como de viños internacionais.
Esta foi realizada en dúas quendas. Durante a primeira puideron gozar do seu saber os alumnos do IES O Ribeiro, mentres que pola tarde foi o turno para o público xeral, unha oportunidade para todos os asistentes que se achegaron ata o museo. O aforo completouse en moi pouco tempo, convertendo esta cata nun verdadeiro éxito!
O Museo do Viño de Galicia foi testemuña dunha ruta a pé de 12km. durante a xornada matinal do sábado 22 de abril, unha actividade organizada polo propio Museo en colaboración coa asociación Viño Activo. O itinerario tiña como principal obxectivo o de dar a coñecer a cultura ao redor do mundo do viño, coa oportunidade engadida de visitar diversos viñedos e coñecer emblemáticos monumentos e lugares de interese histórico da contorna do Ribeiro, como o son o Museo do Viño de Galicia, a praza neurálxica e o tradicional lavadoiro comunal da veciñanza.
Este xoves visitounos un grupo de estudantes da Escola de Arte e Deseño Antonio Faílde de Ourense, concretamente do Grao de Deseño de Interiores, acompañados das súas profesoras.
Para esta visita contamos con dous dos arquitectos que fixeron a reforma do Museo do Viño de Galicia, Manuel Seoane e Sonia López, quenes foron os encargados de expoñer todos os cambios e melloras que tiveron que realizar no edificio para poder adaptalo como museo e para que fose accesible para persoas con mobilidade reducida.
Durante a tarde do 24 de febreiro o Museo do Viño de Galicia acolleu á Unión Iberoamericana de Profesionales de Turismo (UIPT), unha asociación conformada por membros pertencentes a catorce países iberoamericanos encadrados dentro do eido turístico. Dentro do seu itinerario de actividades incluiron un percorrido polo corazón do Ribeiro, achegándose ao casco histórico de Ribadavia e coñecendo a historia do viño en Galicia no Museo do Viño.
Durante a xornada do xoves día 1 de febreiro, achegáronse a coñecer o Museo ao alumnado da asignatura de Historia de Galicia da titulación senior de Cultura e Sociedade da Universidade de Vigo. As 40 persoas asistentes desfrutaron dunha visita guiada polas instalacións do Museo acompañados por dúas das guías que lles explicaron aspectos relacionados co viño e coa historia de Galicia.
Onte achegouse a visitar o Museo do Viño de Galicia un grupo ben especial conformado por algúns usuarios procedentes da Residencia Xeriátrica Quercus de Leiro, converténdose esta nunha das primeiras visitas grupais deste novo ano.
O día 22 de decembro o Museo do Viño de Galicia presentou a obra, escrita por Lucas Sánchez Taboada, “O patrimonio do viño. Ruta polas adegas e camiños do Ribeiro” a cal é unha guía con máis de 270 fichas e referencias relacionadas coa comarca do Ribeiro e coas adegas que conforman a Ruta do Viño do Ribeiro. Este libro, o primeiro dunha serie, está adicado a documentar bens móbeis do Ribeiro.
O Museo do Viño de Galicia tamén se fai partícipe de presentacións literarias poñendo en valor o eido vitivinícola galego e dándolle voz aos seus autores. O venres 8 de xullo foi testemuña da esperada presentación da obra máis recente do xornalista Luis Congil, titulada "A marabillosa historia do viño en Galicia", e que recolle nas súas páxinas unha interesante compilación da extensa tradición dos caldos galegos, percorrendo a súa historia dentro do noso territorio pero tamén demostrando que a súa fama tamén foi e segue sendo recoñecida a nivel internacional.
A tarde do 28 de abril o Museo do Viño de Galicia reuniu nunha xornada especial aos enólogos da Federación Española de Enología (FEAE) co motivo da celebración do IV Concurso Nacional de Viños “VinEspaña”, unha edición do máis especial xa que por primeira vez o certame foi celebrado en Galicia durante as xornadas do 28, 29 e 30 de abril. A FEAE destaca entre os seus obxectivos a consolidación e o estímulo para a elaboración de viños notorios e de especial calidade e o fomento e a valoración vitivinícola en termos históricos e culturais.