Novas

O Museo do Viño de Galicia analizou en Monterrei o pasado das plantacións vitícolas no territorio desta denominación de orixe.

A historia está chea de grandes oportunidades que ás veces chegan a cabalo das desgracias. Así se puxo de relevancia na primeira xornada Do Viño 2019, organizada polo Museo do Viño de Galicia e a Denominación de Orixe Monterrei sobre o viño en Monterrei na Idade Media, celebrada na tarde do sábado 26 no Claustro Mercedario de Verín.

Un grupo de profesionais da enoloxía, historia, arqueoloxía, xeografía e antropoloxía participaron esta fin de semana nun simposio, organizado polo Consello Regulador do Ribeiro e a Asociación Ruta do Viño do Ribeiro, que buscou salientar a importancia do viño no Camiño. A reunión desenvolveuse ao abeiro do programa “O teu Xacobeo”, impulsado pola Xunta de Galicia a través da Consellería de Cultura e Turismo.

O presidente do Goberno galego, Alberto Núñez Feijóo, destacou que o Museo do Viño de Galicia será a o gran escaparate da nosa cultura vitícola e a casa común dos viños de Galicia. Nesta liña, incidiu en que será un referente na materia non só en Galicia, senón tamén no resto do Estado.

O Decreto de creación do Museo do Viño de Galicia (Decreto 86/2019, do 27 de xuño), publícase hoxe, 18 de xullo no Diario Oficial de Galicia. Pode consultarse o seu texto íntegro premendo nesta ligazón.

Este novo Museo vén a recoller e poñer en valor unha importante actividade do agro galego, como é o cultivo da vide e a produción de viño dende hai séculos.