Exposición permanente
Está organizada en oito salas que permiten coñecer a historia da vitivinicultura en Galicia, as cinco denominacións de orixe do viño galego e a historia do edificio do museo, creado para a produción de viño desde a Idade Media.
Actividades culturais e educativas
O museo programa ao longo do ano diversas actividades culturais, educativas e didácticas relacionadas cos seus contidos.
Tenda
Venda de publicacións propias e produtos promocionais.
Outros servizos
- Conexión Wi-Fi.
- Folletos en 6 idiomas.
- Web.
- Guías multimedia.
- Gardarroupa.
- Ascensor.
- Aseos adaptados.
- Cambiador de cueiros de bebe.
- Ramplas.
- Servizo de primeiros auxilios.
Consultas técnicas
Calquera persoa interesada poderá facer consultas técnicas ao persoal do museo sobre temas relacionados co contido temático do museo a través de correo postal ou electrónico. informacion-museodovinho.cultura@xunta.gal.
Atención a investigadores
O Museo facilita o acceso dos investigadores ás coleccións, previa solicitude remitida ao centro por correo postal ou electrónico. informacion-museodovinho.cultura@xunta.gal.
Suxestións
As suxestións sobre calquera aspecto relacionado co Museo, poderá facerse de xeito presencial nos formularios habilitados na recepción do Museo ou no enderezo electrónico informacion-museodovinho.cultura@xunta.gal.
Cesión de espazos
O museo dispón dunha sala de usos múltiples para realización de actividades cun aforo de 50 persoas e dotada de tecnoloxía para presentacións, cursos e outros. Tamén dispón unha magnífica terraza con encanto e vistas aos viñedos do Ribeiro. Para a utilización destes espazos deben realizar a solicitude por escrito á dirección do museo por correo postal ou electrónico. informacion-museodovinho.cultura@xunta.gal.