Información básica
O museo do Viño de Galicia atópase en pleno corazón do Ribeiro, na parroquia de Santo André de Camporredondo, dentro do concello de Ribadavia (Ourense).
Accesos
Santo André de Camporredondo, s/n.
32415 Ribadavia - Ourense.
Dende Vigo / Ourense: A-52 Autovía das Rías Baixas. Saída 252 dirección OU-406 / Ribadavia. N-120 Logroño - Vigo. Estrada OU-211 a Santo André de Camporredondo.
Dende Santiago: AP-53. Saída 73 dirección Carballiño. OU-504 16 km. ata a OU-211 á esquerda, 3'1 km.
Dende Ribadavia: OU-211. 5,5 km.
Dende Lugo: N-540 - N-525. 108 km.
Dende Carballiño: OU-504. 11 km ata a OU-211 3,1 km.
Coordenadas: 42.321185, -8.109265.
Horario
XOVES
De 10 a 14.30 h.
DE VENRES A DOMINGO
INVERNO (do 1 de outubro ao 31 de maio):
de 10 a 14.30 e de 16 a 19.30 h.
VERÁN (do 1 de xuño ao 30 de setembro):
de 10 a 14.30 e de 17 a 20.30 h.
PECHADO
1 de maio, 25 de decembro e 1 de xaneiro.
Horarios especiais
SEMANA DO 18 DE MAIO (Día internacional dos museos)
De luns a domingo, de 10 a 14.30 e de 16 a 19.30 h.
MOSTRA DO TEATRO DE RIBADAVIA
De luns a domingo, de 10 a 14.30 e de 17 a 20.30 h.
FEIRA DO VIÑO DO RIBEIRO E FESTA DA ISTORIA
De 10 a 21.00 h.
FESTIVOS DA CONSTITUCIÓN
De 10 a 14.30 e de 16 a 19.30 h.
PASCUA (DE XOVES A DOMINGO)
De 10 a 14.30 e de 16 a 19.30 h.
Normas
- Está permitido tomar imaxes para uso particular sen flash, sen trípode ou pau para selfies. Para usos profesionais deberá contar coa oportuna autorización.
- Pódese acceder ao museo con carros e cadeiras de bebés.
- Non está permitida a entrada de mascotas ao museo. Si se permite a entrada de cans-guía.
- Non se permite consumir alimentos nin bebidas nos espazos interiores. O museo dispón de espazo de descanso no exterior.
- Non está permitido o acceso ás salas con vultos grandes (> 35x35 cm), paraugas ou obxectos punzantes. Dispoñemos de armarios onde deixar este tipo de obxectos.
- Non toque os obxectos do museo, respecte o mobiliario e evite apoiarse nas vitrinas e varandas.
- Se vén con rapaces procure que estean xunto a vostede e explíquelles a importancia de non tocar os obxectos. Non deixe que corran polas salas.
- Segundo a normativa vixente, non está permitido fumar no interior do museo.
Visitas guiadas
Individuais
Ás 11:00 e ás 17:30h.
Para familias
En fins de semana, ás 12:00 e ás 18:00h.
Para grupos
Dispoñible con solicitude previa para un mínimo de 10 persoas.
Reserva
informacion-museodovinho.cultura@xunta.gal.
Teléfono
(+34) 988 783 075.
Visita virtual
A visita virtual ofrece unha visión global sobre a historia da vitivinicultura en Galicia. A través deste paseo, o visitante pode facer unha visita panorámica das 8 salas do museo e coñecer ás súas coleccións. Tamén poderá apreciar a riqueza da súa proposta museográfica, que integra ao propio edificio no seu discurso expositivo, un edificio concibido dende a Idade Media como unha gran fábrica de viño cos seus cinco lagares e a súa adega escavada en pedra.
Accesibilidade
PORTAS
A reixa da entrada e a porta que dan acceso ao museo teñen ocos de paso de anchura axeitada. Non hai portas en todo o percorrido expositivo, o que facilita a accesibilidade e a circulación.
RAMPLAS
A entrada ao museo dispón dunha rampla para o desnivel do terreo con varanda e pendente axeitada para cadeiras de rodas e carriños de bebe.
ASCENSOR
Existe un ascensor que comunica todas as plantas do museo incluída a adega do soto.
MOSTRADOR
O mostrador da recepción ten unha altura axeitada que permite a aproximación de persoas en cadeiras de rodas ou de baixa estatura.
ASENTOS
Existen bancos na zona da terraza do museo, na planta principal, na planta dos lagares e nalgunhas salas expositivas. Tamén na entrada, xunto á zona do taboleiro informativo de eventos e actividades relacionadas co mundo do viño en Galicia.
ASEOS ADAPTADOS
Existe un aseo adaptado na entreplanta do museo que conta tamén con cambiador de cueiros para bebés.
TERRAZAS
O Museo pon a disposición dos visitantes a súa gran terraza con vistas ao viñedo para descansar e conversar.
LINGUA DE SIGNOS
Todos os audiovisuais do museo presentan lingua de signos. A guía multimedia do museo tamén dispón de signoguía para facilitar a visita audioguiada ao museo das persoas xordas.
APP MUSEO DO VIÑO
O museo ofrece gratuitamente aos seus visitantes unha APP multimedia: Museo do Viño de Galicia con audiodescrición, linguaxe de signos e audio subtitulado.
Descarga gratis a app “Museo do Viño”. Dispoñible para IOS e Android.
Guía multimedia
- A GUÍA MULTIMEDIA do Museo do Viño de Galicia é un dispositivo que mellora as prestacións das tradicionais audioguías, transmitindo a información sobre a exposición en diversos formatos: texto, imaxe e audio.
- Ofrece dous tipos de visita: a visita completa (60 min) e a visita completa con xogos (90 min), accesibles en tres idiomas: galego, castelán e inglés.
- O dispositivo (tableta) que contén a guía é de préstamo gratuíto, e pódese recoller e devolver na recepción ao finalizar a visita.
- A guía é accesible e inclúe audiodescrición, linguaxe de signos e audio subtitulado.
App
- APP MUSEO DO VIÑO DE GALICIA. Como alternativa ao dispositivo de préstamo coa guía multimedia, o museo ofrece unha aplicación gratuíta para móbiles e tabletas IOS e ANDROID con contido ampliado: ademais das visitas, inclúe as rutas do viño das cinco denominacións de orixe de Galicia: Ribeira Sacra, Ribeiro, Valdeorras, Rías Baixas e Monterrei.
- En cada itinerario ofrécese unha listaxe e un mapa interactivo con xeolocalización que enlaza con google maps para chegar aos establecementos, con información enoturística: adegas, oficinas de turismo, feiras do viño, museos, oferta de actividades de lecer, monumentos asociados á cultura do viño, restaurantes, hospedaxes e comercios adheridos á ruta.
- Esta APP descárgase desde App Store e Google Play.
- Coa APP das cinco rutas do viño, o público vivirá unha experiencia de enoturismo completa. A aplicación conduce polos territorios das diferentes denominacións de orixe do viño de Galicia e recolle as webs das adegas e establecementos das rutas para que o usuario poida consultar as opcións de enotuturismo que ofrecen, ademais de guiar polas extensións de viñedos e o rico patrimonio vitivinícola.