Novas
Volve un dos eventos máis esperados do ano Estabades preguntando moito por el e xa podemos confirmar que regresan as Catas Sonoras
Música para todos os gustos. Dende o jazz ata autores clásicos, dende a bossa nova ata o blues, ou dende os boleros ata o swing. Sempre en directo coincidindo con ese momento tan fermoso do día coa caída do atardecer, nun entorno inigualable e rematando a velada cunha copa de viño.
📝 Estas serán as datas da nova edición:
🔹 3 de xullo: Mister Cool & Vadim Yukhnevich.
🔹 10 de xullo: Jimmy Barnatán.
🔹 7 de agosto: Jeff Espinoza & Gaby Jogeix.
🔹 21 de agosto: Ángeles Dorrio.
A fin de semana do sábado 31 de maio e o 1 de xuño celebramos a Primavera de Portas Abertas no Ribeiro e este ano o Museo do Viño participou en tres das súas rutas. Contamos con un total de 75 participantes que gozaron dunha visita guiada polas nosas instalacións, onde aproveitaron tamén para refrescarse un pouco das altas temperaturas que sufrimos nesta zona durante a fin de semana. O último dos autobuses, procedente de Ferrol, puido degustar un dos nosos viños de Evega.
Cando falta apenas un mes para que o Museo do Viño de Galicia cumpra os seus primeiros 6 anos de vida, logo da súa apertura o 19 de xuño de 2019, a institución defendeu en Requena o seu papel como xerador de identidade para o sector do viño en Galicia.
Foi no decurso do “XXI Simposio de Museos del Vino de España”, onde o caso galego foi posto como exemplo de integración, xeración de identidade e posta en valor das distintas Denominacións de Orixe galegas.
Con motivo do Día das Letras Galegas, o 15 de maio ás 8 da tarde tivo lugar a actuación das Pandereteiras da Istoria no Museo do Viño de Galicia.
Este grupo confórmano 24 mulleres que tocan a pandeireta e cantan para manter a viva a nosa tradición. Caracterízanse e levan como lema a amizade, agarimo, sentimento reconfortante, xuntanza, ledicia, respiro, troula e liberdade, entusiasmo, bos momentos, coidados, música.
Grazas pola vosa labor! Non o podedes facer mellor!
Luís Paadín, sumiller e profesor da Universidade de Vigo, ofreceu o sábado 3 de maio un seminario que levou por título "Os milenarios lagares rupestres de Galicia", que rematou endulzando os padais cunha degustación de cinco viños producidos na contorna dos máis emblemáticos lagares rupestres que ostenta a Denominación de Orixe Ribeiro, nos cales pervive unha historia milenaria no tocante á elaboración do viño en Galicia.
A música de Francisco Castro resoou onte na antiga reitoral de Santo André, onde o seu recital melódico e a complicidade co público asistente foron notables nun concerto intimista.
O Consello Regulador da Denominación de Orixe Ribeiro, en colaboración coa Deputación de Ourense xunto co Centro Cultural Marcos Valcárcel, leva unha década organizando un evento solidario que harmoniza enoloxía e arte e no que cada edición asenta unha maior presenza e interese: “CatArte”.
Entre o 17 e o 22 de novembro a vila de Ribadavia serviu como anfitriona para acoller un intercambio xuvenil internacional con mozos e mozas procedentes de cinco países europeos entre os que se atopan, xunto con España, Portugal, Estonia, Grecia e Romanía. O programa “International Youth Exchange” trátase dunha iniciativa financiada polo programa Erasmus+.
O pasado xoves 7 de novembro tiveron lugar, nas instalacións do Museo do Viño, os obradoiros previos á celebración das XXIX Xornadas da Sección de Psicoloxía e Saúde do COPG “Desafiando á historia”. Despois, os relatores e asistentes puideron facer unha visita guiada pola exposición e degustar un dos viños da EVEGA.
A pesar de que coa chegada dos últimos meses do ano os días son cada vez máis curtos e o frío é cada vez máis imperante, ningún motivo é suficiente como para frear ao público que se achega a visitar o Museo do Viño de Galicia. Durante os meses de setembro e outubro foron testemuñas de esta gran afluencia!