Este artista formouse artisticamente en Ourense, Madrid e París. Aproveitando esta última estancia, Quessada aproveitou para viaxar por Europa coñecendo novas técnicas e posibilidades expresivas. O tempo que pasa en América en 1971 será decisivo para a súa carreira. É un dos compoñentes fundamentais do grupo «Os artistiñas» de Ourense e alén da súa traxectoria no mundo da arte, cómpre destacar o seu compromiso antifranquista que tamén reflectía nalgunha das súas obras.

Formouse artisticamente na súa cidade aproveitando a efervescencia cultural e política que caracterizaba a Ourense naquela época. Foi o membro máis veterano do grupo «Os Artistiñas» e continuou a súa formación en París. Sendo un artista consolidado nos 70 pasou longas tempadas en Alemaña.

Comezou a pintar de xeito autodidacta cando tiña 20 anos, no excepcional ambiente artístico de Ourense grazas ao grupo «Os Artistiñas». Comezou a expoñer nos anos 60 collendo bastante sona e xa se foi abrindo camiño como un dos artistas máis representativos da corrente lírica da plástica galega a pesar das súas incursións na temática social

Este artista foi un referente no eido da pintura mais tamén tivo moito recoñecemento como teórico da arte. Patiño asumiu desde o comezo da súa traxectoria unha actitude comprometida e activista, sendo un dinamizador incansábel da vida sociocultural do seu tempo. A súa personalidade creativa tan particular permitiulle destacar en terreos diferentes: o deseño, o cómic, a poesía, a crítica, a teoría da arte e a política.

Perfecto Estévez foi un creador versátil, debuxante, pintor, escenógrafo... que tentou aplicar o seu talento no deseño a todos os soportes, técnicas e causas. En constante formación autodidacta fundou diversos grupos de creación e colaborou con numerosas organizacións culturais.

Comezou a súa formación en Coruña e posteriormente marchou a Madrid, aproveitando a vida artística e as exposicións desa cidade. Alén destes primeiros anos de formación artística pódese dicir que é un autodidacta. Traballou como mestre, no Museo Provincial e foi un membro destacado do grupo «Os Urogallos».

Comezou os seus estudos na Escola de Artes e Oficios pero abandonouna axiña, daquela pode considerarse un autodidacta. Comezou a expoñer en 1971 na súa cidade e a partir de 1975 consolidou a súa carreira artística realizando mostras tanto dentro como fóra do Estado

(San Andrés de Xeve, Pontevedra, 1928 - 2003) A viaxe que realizou esta pintora a Bos Aires na súa adolescencia foi fundamental, xa que alí descubriu que a súa paixón era a pintura grazas ás enisanzas do seu mestre Laxeiro. De regreso, viaxa a Madrid onde segue a súa formación con artistas e intelectuais nun ambiente creativo á par que represivo.

Pintor autodidacta que foi medrando artística e intelectualmente a través da lectura e a asistencia ás tertulias ao redor da Xeración Nós no Ourense republicano. Exerceu como mestre até que se puido dedicar plenamente á pintura. Actúa como ponte entre o rexionalismo e o nacionalismo dos anos vinte e trinta.

Este artista, que destaca pola súas magníficas dotes no debuxo e no gravado, comezou a súa formación na súa cidade seguindo moi de perto a «Os Artistiñas». Especializouse como gravador nos mellores talleres de Madrid, Londres e París e participou activamente en varios colectivos de artistas da época