10 de Xaneiro do 2026
En Betanzos, algúns colleiteiros aínda manteñen o ancestral costume de pendurar ramos de loureiro no exterior das súas adegas. Isto, que se emprega como reclamo da dispoñibilidade de viño do País para a venda, ten unha orixe ben remota e xa se atopan mencións documentais a esta práctica nas Ordenanzas da vila do século XVI.
Curiosamente, algo idéntico é tradicional en zonas de Portugal como Coímbra, dando evidencia dos fortes lazos históricos e culturais existentes entre Galicia e o norte portugués.
