Xogo de pistas autoguiado polo Museo do Viño.
De
21 de Decembro do 2019
ao
12 de Marzo do 2020
-
Durante o horario de apertura.
Museo do Viño de Galicia
Algo anda agochado entre os muros da antiga reitoral de Santo André e só persoas intrépidas serán quen de dar coa solución...
O Segredo de Santo André é un xogo de pistas pensado para descubrir o Museo do Viño dun xeito máis activo. A través dunha serie de pistas escondidas nas diferentes salas do museo, nenxs e adultxs poderán aprender curiosidades sobre o mundo do viño e realizar probas moi divertidas para atopar o tesouro final. A actividade ten unha duración aproximada de 45-50 minutos.
Para realizar esta actividade non é preciso reservar xa que se pode facer en calquera momento durante o horario de apertura, ata unha hora antes do peche.